|
|
| الحقنة |
|
Intramuscular يعني حقنة في العضل و اختصارها I.M
و دي لازم توصل للعضلة و تعدي كل طبقة الجلد
و اعتقاد خاطئ جدا ان الناس بتستخدم سرنجة اطفال عشان تبقى رفيعة و متوجعش
بس المشكلة ان سرنجة الاطفال بتبقى اقصر كمان
و ممكن الدوا موصلش للعضلة و يفضل موجود في طبقة الجلد و يعمل خراج او كلكعة
عشان كده لازم الكبار ياخدوا الحقن بسرنجة للكبار و لو حد تخين شوية ممكن نستعمل سرنجة 5سم لو سنها اطول و ندخل السرنجة للآخر مع الضغط على الجلد عشان نتأكد ان الدوا هيوصل للعضلة ان شاء الله
زاوية دخول السرنجة بتكون 90 يعني مستقيمة
Subcutaneous يعني تحت الجلد ... زي حقن الانسولين و الامصال
و دي بتبقى بسرنجة انسولين -سنها رفيع- و بتتاخد بزاوية 45 يعني بميل متوسط
Intravenous يعني في الوريد ... و دي صعبة شوية
لان لازم تتاكد ان السرنحة دخلت جوا الوريد ... طيب هتعرف ازاي
تسحب مكبس السرنجة لورا شوية هتلاقيها اتملت دم ... يبقى ان كده تمام
خطورة الوريد انك بتدي الدوا في الدم مباشرة يعني تجاوزت كل اشكال امتصاص الدوا و بتدي مباشرة في مجرى الدم ... الخطورة ان الدوا ممكن يعمل حساسية او اي مشكلة في الجسم و هيكون رد الفعل سريع جدا و فوري زي اغماء فوري
عشان كده لازم حقن الوريد تتاخد في مستشفى او عيادة على الاقل ... انما في البيت او الصيدلية خطر جدا .... لان لو عملت حساسية و متلحقتش بسرعة ممكن فعلا المريض يفارق الحياة
Intradermal يعني داخل الجلد و دي استخدامتها قليلة اوي اشهرها اختبار البنسيلين
الدكتور هيثم محمد
|
|
|
|
|
|
|
|
|
|