|
|
| 10 نصائح لإعلان الفيس بوك |
|
1- صيغة عرض محدد بوقت مثل :
الآن ولفترة محدودة خصم 20% علي الصيانة وكمان المعاينة مجاناً.
أو خصم 10% لأول 20 متصل.
أو الآن ولفترة محدودة خصم 200 جنية علي سعر المتر.
2- مهم جداً شكل الصورة الي هتحطها في الإعلان والرسالة الي إنت بتقدمها في الصورة دي النقطة دي لوحدها ممكن تنجح الإعلان أو تفشله يفضل تصميم الصورة يكون عامله مصمم متخصص والرسالة الي مكتوبة تكون المختصر المفيد.
3- الكلام علي الصور المفروض إننا بنقسم الصورة 6 مستطيلات والكلام ما يكونش داخل في أكثر من ثلاثة مستطيلات لأن أكثر من كده هيخلي تكلفة الأعلان أغلي.
الصور المرفقة بتوضح النقطة دي.
4- مهم قووووي تحديد ال Category بتاع الصفحة ويكون معبر بشكل صحيح عن الخدمة الي بتقدموها ده هيساعد كتير الفيس بوك إنه يوصل للعملاء بشكل صحيح.
5- الإستهداف ودي يطول فيها الكلام والشرح.
يعني بإختصار المفروض يكون الإستهداف بالموقع الجغرافي وده لو المشروع أو الخدمة الي بتقدمها محدودة بمكان.
والأهتمامات أختار الكلمات الهتعبر عن الخدمة أو المنتج الي بتقدمها.
ولو الزباين بتاعتكم بتكون غالباً من الرجال فقط دي حاجة إنتم الي هتحدودها يبقي أختاري إن الإعلان يظهر للرجال فقط أو العكس.
الناس مقسمة إلي ثلاثة فئات فئة A وفئة B وفئة C.
أصعب فئة ممكن توصلها لأنها أقل فئة موجودة هي فئة كلاس A ودي بتكون محتاج توصلها لو بتسوق بيع فيلا مثلاً أو شقق المتر بتعها بي 12000 أو منتج أو خدمة مقدمة للناس الأغنياء فقط.
في كذا طريقة ممكن تحاول توصل بيها للفئة دي منهم علي سبيل المثال وليس الحصر إنك تنزل الإعلان علي الإنستجرام ومنها إنك تخلي الإعلان يظهر علي أجهزة المبايل فقط والي هي أيفون.
وممكن توصلهم بتحديد النطاق الجغرافي بإختيار الأحياء الراقية زي التجمع الخامس والزمالك والمهندسين ومصر الجديدة ومدينة نصر وشيراتون والمعادي وأماكن الكمبوندات في الشروق والشيخ زايد والقاهرة الجديدة بشكل عام.
مهم كمان إنك تحدد السن حسب نوع المنتج أو الخدمة الي نت بتقدمها.
6- محتوي الإعلان لازم يكون فيه بعض التفاصيل والمعلومات الي بتدي مصداقية للعميل في المنتج بتاعك أو الخدمة الي بتقدمها وفي نفس الوقت ما تخليل المحتوي يبقي طويل قوي عشان الناس ما تزهأش وكمان خلي معلومة أو أثنين غير واضحين عشان تزود التفاعل مع الإعلان.
7- لازم تحط أرقام التلفون ووسائل الإتصال بيك ومهم يكون في رقم واتساب.
8- زود في آخر الإعلان هاشتجات كل الحجات الي إنتم شغالين فيها سواء كانت سلع أو خدمات وأعمل هاشتاج بإسم شركتك.
9- يفضل وضع رقم ارضي ده بيدي مصداقية للمكان لو غير متوفر يبقي بلاش.
10- يفضل كمان وضع عنوان وبريد إلكتروني ولو في موقع إلكتروني لازم يتحط.
----------------------
للإستفسار والتواصل
موبايل / واتساب : 01114277762
البريد الإلكتروني : mohamed@rushdy.net
الموقع الإلكتروني : www.rushdy.net
--------------------------------------------
#سلسلة_نصائح_Business #أسباب_فشل_المشروعات #قلة_المعلومات_فشل #الفشل
#RushdyDotNet #Mohamed_Rushdy
#RushdyDotNet_Photography www.rushdy.net
#develop_your_business #Digital_Marketing
#Manage_Social_Networking_Pages #Web_Solutions
#Tourist_Village_Photography #Events_Video_Production
#Graphic_Designs #Products_Photography #Marketing_Video
|
|
|
|
|
|
|
|
|
|