|
|
| كيف نحدد ميزانية الإعلان ؟؟ |
|
بشكل عام أي مشروع لازم يكون عامل ميزانية للدعاية عشان ينجح ويستمر.
في نوع من أنواع المحاسبة إسمه محاسبة التكاليف ودي بتساعد المصانع والشركات أزاي تسعر المنتج بتعها عن طريق إضافة كل التكاليف والمصاريف الي هتتصرف علي المنتج عشان يطلع في صورته النهائية المصاريف دي ممكن تكون مصاريف مباشرة زي المواد الخام مصاريف التغليف أو غير مباشرة زي الإيجار والكهرباء والعمالة ودي بتقسم علي القوة الإنتاجية للمصنع عشان نقدر نحسب نصيب المنتج الواحد من المصاريف دي وبعد كده بنضيف الربح ونطلع سعر المنتج النهائي وطبعاً لازم نقارن بأسعار السوق وده ممكن يخلينا نقلل أو نزود في المصاريف.
بعيداً عن الرغي ده مهم جداً إن يكون في بند أساسي في حساب تكلفة المنتج خاص للدعاية وده ناس كتير بتهمله للأسف برغم إن في شركات بتصرف تقريباً 90% من ميزانيتها علي الدعاية و10% علي المنتج ودي الي مغرقانا إعلانات في التليفزيون ليل نهار وبيكسبوا ملايين ولكن إحنا مش هنقدر نعمل زيهم ولكن مهم جداً إننا نعمل بند أساسي للدعاية وبنزوده ونقلله حسب حالة السوق وحالة البيع ولازم تكون الدعاية مستمرة حتي لو البيع شغال كويس عشان الدعاية المستمرة بتحافظ علي أسم المنتج في السوق وبتحافظ علي إستمرار البيع في المستقبل.
طيب المفروض تكلفة الدعاية تكون كام ؟؟
ده حسب نوع المنتج الي عايزين نسوقه يعني أكيد مش هصرف علي الدعاية لملابس زي ما هصرف علي الدعاية لشقق وفيلات، وحسب المشروع في أوله ولا مشروع قديم وليه أسم في السوق دائماً أي مشروع جديد بيحتاج مصاريف أكثر في الدعاية عشان يعمل براند نيم وينتشر في السوق، كمان حسب حالة السوق إحنا في سيزون ولا في وقت عادي يفضل طبعاً نزود الإعلانات في السيزون الموسم يعني زي الأعياد أو دخول المدارس أو دخول الصيف والشتاء ودائماً كل ما يكون في ركود والبيع ضعيف لازم نزود في الدعاية عشان نقدر نستمر.
بالنسبة للإعلانات علي الفيس بوك الفيس بوك مأخراً خلي أقل إعلان بقيمة 5$ ويقال إنه ممكن تخلي الإعلان بقيمة 1$ بطريقة او بأخري وطبعاً ده في اليوم فمثلاُ لو إنت بتسوق لشقق بتكون الميزانية في حدود 50 دولار أو أكثر لو الشقق دي لكلاسB إنما لو لكلاس A فبتكون من 100$ وإنت طالع ، لو بسوق مثلاً ملابس هتكون الميزانية في حدود 5 دولار وإنت طالع حسب برده إنت بتخاطب انهي كلاس.
لو في ماركتير هيعملك الحملة التسويقية بيأخد نسبة من قيمة الحملة الدعائية ولو هيدير صفحة الفيس بوك كمان ويعمل تصميمات ويهيرد علي الرسائل الخاصة والكومنتات هياخد مقابل شهري علي إدارة الصفحة وده بيكون حسب مستوي شغلة.
----------------------
للإستفسار والتواصل
موبايل / واتساب : 01114277762
البريد الإلكتروني : mohamed@rushdy.net
الموقع الإلكتروني : www.rushdy.net
--------------------------------------------
#سلسلة_نصائح_Business #كيف_نحدد_ميزانية_الإعلان #إعلانات_الفيسبوك #الإعلانات
#RushdyDotNet #Mohamed_Rushdy
#RushdyDotNet_Photography www.rushdy.net
#develop_your_business #Digital_Marketing
#Manage_Social_Networking_Pages #Web_Solutions
#Tourist_Village_Photography #Events_Video_Production
#Graphic_Designs #Products_Photography #Marketing_Video
|
|
|
|
|
|
|
|
|
|