|
|
| 5 أسرار لنجاح الإعلان علي الفيس بوك |
|
1 - في أحد الأيام سنة 2017 عملت إعلانين في نفس الصفحة ونفس الإستهداف واحد منهم أشتغل كويس بيجيب ردود وإتصالات والتاني بيجيب لايكات فقط كلمت ناس كتير وسألت ناس كتير وما وصلتش لحاجة لحد ما رجعت لإستاذي الي علمني الدجتل ماركتنج وهو ما كانش في مصر وصلتله علي لينكد إن وقالي غالباً الفيس بوك بيهيس !!
والله أنا كنت حاسس بكده وبعدين صديق قالي في واحد روسي بيقول إن في حل للمشكلة دي إنك لما تحب تعمل إعلان علي الفيس بوك Facebook ads اعمل 3 إعلانات بصيغة مختلفه وصور مختلفة وتابع النتائج بتاعتهم الي هيشتغل منهم كويس سيبه يكمل ووقف الأثنين الثانيين .
الطريف إن الفيس بوك بعد فترة نزل فديو بينصح فيه المعلنين عنده يعملوا كده عشان يوصلوا لافضل نتائج :).
2- لازم تحط صورة ومهم قوووي شكل الصورة وكل ما كانت الصورة معبرة هتوصل للناس بنجاح أكبر وكمان لو الصورة كريتف فيها حاجة كده تخطف العقل أو حاجة مجنونة كل ما ده بيزود التفاعل مع الإعلان لدرجة إن الإعلان ممكن يتحول لترند مصر كلها بتكلم عليه زي صور تودو مثلاً الي مصر كلها كانت بتشيرها أو إعلان هليوبليس الجديدة الي فيه اغاني حميد الشاعري وغيره كتير.
3- صيغة الإعلان نفسه والنقطة دي أنا أتكلمت فيها قبل كده وهي مهم جداً الحقيقة إنت وإنت بتعمل الإعلان مش بتحط معلومة وخلاص لاء خالص ، إنت لازم تهتم بشويت نقط عشان تأثر في العميل بتاعك عشان يبدأ يتفاعل مع الإعلان بتاعك .
غالباً العميل ما بيبدأش يأخد قرار الشراء غير لما العاطفة تحركة والعاطفة هي الي بتخليه يشتري من شخص وشخص تاني لاء مثلاً لو عايز تعمل إعلان عن مركز تخسيس لو روحت للأشخاص الي عندهم زيادة في الوزن وبدأت تكلم معاهم وعرفت مشاكلهم بسبب زيادة الوزن وبدأت تخلي صيغت الإعلان بتاعك إنك هتخلصه من المشاكل دي وجتله علي الجرح هتلاقيه بدأ بشكل ملحوظ يستجيب معاك طيب ده إنت كمان عمله خصم 20% مثلاً كده هتحرك جواه عاطفة التوفير ده أنا لو أخدت العرض ده هوفر، وزود كمان إن العرض محدد بوقت معين هتلاقيه رفع التلفون وأتصل بيك وعايز يلحق العرض قبل ما يخلص ، كل ده ماكنش هيحصل لو نزلت الإعلان إن إنت مركز تخسيس وعنوانك كذا وخلاص.
4- حاول تحط صور في الرد علي الكومنتات لو عقارات حط صور البلانات بتاعت الشقق لو ملابس أو ساعات أو شنط حط صور المنتجات دي في الردود لو عيادة أسنان حط صور توضيحية بتجاوب علي اسئلة العملاء ، ده بالخبرة بيزود تفاعل العملاء وبيزود عدد الردود علي الإعلان.
5- من نصائح الفيس بوك إنك ما تسبش الإعلان أكثر من اسبوع علي نفس الشكل يعني ممكن تغير شكل الصورة أو تغير شوية في الكلام عشان الناس الي بتابع ومهتمة بصفحتك تحس إن في جديد ولكن مع الخبرة لو الإعلان شغال كويس سيبه أسبوعين أو ثلاثة مش مشكلة مدام بيجيب عدد من الردود والإتصلات كويسه خليه شغال واول ما تحس إنه بدأ يضعف في النتائج نزل تصميم جديد مع تغير في المحتوي .
----------------------
للإستفسار والتواصل
موبايل / واتساب : 01114277762
البريد الإلكتروني : mohamed@rushdy.net
الموقع الإلكتروني : www.rushdy.net
--------------------------------------------
#سلسلة_نصائح_Business #إعلانات_الفيس_بوك #5_أسرار_لنجاح_الإعلان_علي_الفيس_بوك
#RushdyDotNet #Mohamed_Rushdy
#RushdyDotNet_Photography www.rushdy.net
#develop_your_business #Digital_Marketing
#Manage_Social_Networking_Pages #Web_Solutions
#Tourist_Village_Photography #Events_Video_Production
#Graphic_Designs #Products_Photography #Marketing_Video
|
|
|
|
|
|
|
|
|
|