|
|
| امتي تحط السعر في الإعلان |
|
حسب نوع المنتج الي بتقدمة فلو المنتج سعره منافس يعني السعر ده يعتبر ميزة فحط السعر وقوله علي العام ما فيش مشكلة.
إنما لو المنتج سعره غالي يعني هنا السعر نقطة ضعف حتي لو هو يستاهل عشان الكولتي أحسن أو هو صناعة ألماني او يباني مثلاً ولكن الناس مش هتفهم ده هتلاقي ردود من نوعية ليه بي 1300 ده أخوه موجود بي 500 إنتوا حرامية ..... إلخ.
عشان كده بيكون الحل إنك تقول السعر علي الخاص.
وكمان لو منتج كبير زي شقة مثلاً أو فيلا فخلي الي عايز يعرف السعر يتصل والجاد فعلاً هيتصل وفي كتير بيسألوا عن السعر بيكونوا شركات منافسه وسماسرة ده بالنسبة لسوق العقارات.
في حالة إن حد بعتله السعر علي الخاص قام كاتبة علي العام هتعمل لرده هايد وليس دليت بحيث إن الرد بتاعه يشوفه هو فقط والفرندز بتوعه إنما باقي الناس علي الصفحه مش هيشفوا الرد وترد عليه وتشرحله ليه هو 1300 عشان الجودة بقي ونوع الصناعه .. إلخ.
والله أقتنع كان بها أو لو ماردش خلاص ما فيش مشكله إنما لو غلط أو شتم أو دخل وعمل ردود تانية هدفها تشويه الصفحة يبقي بلوك ودليت.
نقطه كمان بالنسبة للمسوقين لو قلت كل المعلومات في البوست بتاعك مش هتلاقي ناس ترد علي البوست وتقول اسألة أو تبعت رسالة خاصة.
ولو قلت كل المعلومات في الرسائل الخاصة مش هيجيلك إتصلات.
فإنت في الأخر هتحدد إنت مش عايز لا ردود ولا إتصلات أكتب كل المعلومات في البوست.
لو عايز يجيلك رسائل خاصة خلي بعض المعلومات في الرسائل الخاصة فقط ولو عايز يجيلك إتصالات خلي المعلومات المهمة بالإتصال فقط.
طبعاً برده ده بيكون مناسب مع المنتجات الغالية يعني لو واحد هيشتري شقة أو شاليه هتصل طبعاً وهيجيلك الشركة أو المكتب وهينزل معاك وهيلف علي 20 شقة.
إنما لو بتبيع جراب موبايل مثلاً وقلتله السعر بالإتصال محدش هيعبرك وهيقول عليك بتستهبل.
وخلي بالك كمان إن لما تحط كل المعلومات في البوست بتاعك ده زي ما شرحنا هيقلل الكومنتات وده هيسبب إن الترفك علي البوسط بتاعك وعلي الصفحة بشكل عام قليل ودي حاجة مش كويسه عن معشر المسوقين.
----------------------
للإستفسار والتواصل
موبايل / واتساب : 01114277762
البريد الإلكتروني : mohamed@rushdy.net
الموقع الإلكتروني : www.rushdy.net
--------------------------------------------
#سلسلة_نصائح_Business #إعلانات_الفيس_بوك #امتي_تحط_السعر_في_الإعلان
#RushdyDotNet #Mohamed_Rushdy
#RushdyDotNet_Photography www.rushdy.net
#develop_your_business #Digital_Marketing
#Manage_Social_Networking_Pages #Web_Solutions
#Tourist_Village_Photography #Events_Video_Production
#Graphic_Designs #Products_Photography #Marketing_Video
|
|
|
|
|
|
|
|
|
|