|
|
| 5 معلومات عامة عن إعلانات الفيس بوك |
|
1- لازم تكون محيط بأليات السوق حوليك يعني الأفضل تنزل الإعلان في وقت يكون سيزون ويكون كمان السيزون المناسب للسلعه الي عايز تعلن عنها ، مثلاً جالي شاب محترم جداً بيشتكي إن الإعلان معلهوش تفاعل خالص وبعدين أكتشفنا في الآخر إنه بيبيع تشرتات صيفي في بدايت فصل الشتاء .... علي فكرة مش دائماً لو الإعلان ما نجحش يبقي فيه مشكله في الإستهداف أو المشكلة من الفيس بوك نفسه كثيراً ما تكون المشكلة متعلقة بالمنتج أو أليات السوق .
مهم جداً للمسوق الإلكتروني قبل ما يتعلم دجتل ماركتنج يتعلم ماركتنج ويكون فاهم ودارس علم التسويق أبسط حاجة لازم يكون ملم بأركان التسويق الأربعة The Four Ps of Marketing وهي :
1- المنتج Product
2- السعر Price
3- المكان Place
4- الترويج Promotion
كثير من المسوقين الي بيعملوا إعلانات علي الفيس بوك بيبدأ بالترويج ومالوش دعوة بباقي العناصر طيب ما يمكن السعر غير تنافسي وغير مناسب للسوق ومهما عملت إعلانات محدش هيشتري.
أو يمكن في مشكلة في المنتج نفسه أو يمكن بتسوقه في المكان الخطأ.
2- النقطة دي مش هتلاقيها في كتب وليس لها علاقة بالعلم دي خبرة من التعامل مع الفيس بوك !!
كل ما كان الإعلان بتاعك مستمر وكل ما الإعلان بتاعك بقي قديم وبقاله فترة شغال كل ما هتلاقي النتائج بتاعته بتتحسن يعني ممكن نشبه الفيس بوك بالعربية الي بتسخن في الأول وارد إنها تطفي وممكن تنتش لحد ما تسخن وهتبدأ تشتغل معاك كويس أهو الفيس بوك نفس الشيء في الأول نتائج الإعلان مش بتكون مرضية قوووي بعد فترة الفيس بوك بيبدا يفهم عميلك موجود فين ويوصله ازاي وكيف يحقق لك أعلي تفاعل للإعلان.
فأنا شخصياً شايف إن الي بيعمل إعلان لحاجة مؤقت وسريعه ممكن يجيب معاه نتيجه وممكن لاء ولكن الي بيعمل إعلان بهدف الإستمرار هيكون محتاج صبر وهيتعب شوية في الأول وفي الآخر هيلاقي نتائج ممتازة.
3- أختار النوع المناسب من أنواع الإعلانات للمنتج بتاعك
يعني مثلاً لو بتسوق إستثمار عقاري سياحي يبقي أعمل ليدز
لو بتسوق ملابس نظارات شنط أعمل إعلان علي بوست وحط صور كتير في البوست وخلي بالك ما يكونش في الصور اي لوجهات لبرندات عشان الفيس بوك هيوقفلك الإعلان ويقفلك حسابك الإعلاني.
ولو بتعلن لبراند كبير كل الناس عارفاه يفضل يكون فديو بيظهر في فديوهات الفيس بوك أو تعمل جوجل أدوردز علي فديوهات اليوتيوب.
الخلاصة ما تجيش تعمل ليدز علي إعلان لشنط مثلاً .
4- B To C و B To B ومين فيهم مناسب نعمله إعلان علي الفيس بوك
أفضل نوع منتجات أو خدمات بتجيب نتائج ممتازة لما تعملها إعلان علي الفيس بوك هي المنتجات أو الخدمات الي بتخاطب شريحة المستهلك المباشر Business To Consumer B To C بمعني إنت بتبيع ملابس فكل الناس بتشتري ملابس أو بتقدم خدمة سباكة وكل الناس بتحتاج الخدمة دي يعني عميل المستهدف هو مستهلك وأسوء نوع ممكن تعمله إعلانات علي الفيس بوك Business To Business B To B إنت بتبيع مكن تصنيع غزل مثلاً فعميلك هيكون فقط مصانع الغزل والنسيج أو إنت مكتب محاسبة وبتقدم خدمات الحسابات والميزانية فعميل هو الشركات.
ليه بتكون النتائج سيئة في حالة ال b to b لأن عدد أصحاب الشركات ومن هو معني بمنتجك أو خدمتك المتخصصة ممكن يكون لا يتجاوز نصف في المئة من الناس الموجودة في الفيس بوك هتقولي طيب وإيه المشكلة أنا هعمل إستهداف عشان أوصل الإعلان للعميل بتاعي فقط هقولك أكيد الإستهداف هيفرق طبعاً بس للأسف في مصر مش كل الناس بتحط الوظيفة بتاعتها علي الفيس بوك ولا بيكون باين هو شغال في مجال إيه ولا أهتمامات شغله إيه ، في طرق أخري للتسويق علي الفيس بوك للنوعية دي من المنتجات أو الخدمات ولكن متعبة وفيها مشاكل والأفضل إن الإعلان يتعمل علي جوجل والفرق بين جوجل والفيس بوك إن في جوجل الإعلان هيظهر فقط للناس الي عملت بحث عن كلمات البحث الي إنت محددهاله والي هي لازم تكون بتعبر بشكل دقيق عن منتجك أو خدمتك.
5 – كلاس A وكلاس B وكلاس C ومين فيهم بيكون الإعلان الي بيستهدفه علي الفيس بوك بيجيب نتائج أفضل.
كلاس A هو فئة محدودة قليلة في الشعب المصري عشان كده الوصول له صعب ومكلف مثلاً لو عايز تبيع فيلا ثمنها 20 مليون شوف في كام واحد عنده الإمكانية إنه يشتري فيلا وغالباً بيكون إستهداف كلاس A إستهداف جغرافي للأحياء الراقية بجانب أختيار إن الإعلان يظهر علي أجهزة الموبايل الأيفون فقط وكمان علي الإنستجرام اكثر من الفيس بوك بينما كلاس B بتكون فئة أوسع شوية من كلاس A وفي نسبة كبيرة منهم موجودين علي الفيس بوك وكلاس C بيكون تواجدهم أكثر وأكثر علي الفيس بوك وبيكونوا فئة كبيرة من الشعب المصري والإعلانات الي بتسهدفهم بتكون نتائجها ممتازة ومرضية مثلاً لو عايز تبيع الشقق الي المتر بتعها بي 1200 جنية الي هي في الألف مسكن وقباء والنزهة 2 طبعاً هتشوف كمية تفاعل وإتصالات غير طبيعية.
----------------------
للإستفسار والتواصل
موبايل / واتساب : 01114277762
البريد الإلكتروني : mohamed@rushdy.net
الموقع الإلكتروني : www.rushdy.net
--------------------------------------------
#سلسلة_نصائح_Business #إعلانات_الفيس_بوك #5_معلومات_عامة_عن_الإعلانات_علي_الفيس_بوك
#RushdyDotNet #Mohamed_Rushdy
#RushdyDotNet_Photography www.rushdy.net
#develop_your_business #Digital_Marketing
#Manage_Social_Networking_Pages #Web_Solutions
#Tourist_Village_Photography #Events_Video_Production
#Graphic_Designs #Products_Photography #Marketing_Video
|
|
|
|
|
|
|
|
|
|